ԱՄՆ-ն Իսրայելին մեղադրել է իրանական միջուկային ծրագրի շուրջ բանակցությունների վերաբերյալ ընտրողական տեղեկատվություն տրամադրելու մեջ, որն արվում է Թեհրանի դիրքորոշումը խեղաթյուրելու նպատակով, գրում է BBC-ն:
Սպիտակ տան ներկայացուցիչ Ջոշ Էրնեստը հայտարարել է, որ Իսրայելը տեղեկատվությունը կոնտեքստից հանում է:
«Կասկածներ չկա, որ որոշ բաներ, ինչ իսրայելցիներն ասում են բանակցությոններում մեր դիրքորոշումների մասին, ճիշտ չեն»,- ասել է նա:
Ավելի վաղ Իսրայելի վարչապետ Բինյամին Նեթանյահուն հայտարարել է, որ Իսրայելն ամեն ինչ կանի, որպեսզի խափանի «վնասակար և վտանգավոր գործարքը, որը ստվեր է գցում Իսրայել պետության և դրա անվտանգության վրա»:
Միջազգային հանրությունը պնդում է, որ Իրանի միջուկային ծրագիրը պետք է փակվի, որի փոխարեն կհանվեն գործող պատժամիջոցները:
Այս թեմայի շուրջ հերթական բանակցությունները նշանակված են ուրաբաթ օրը: