Լիբիայի Կենտրոնական բանկը հինգշաբթի օրը շրջանառության մեջ է դրել նոր թղթադրամներ, որի վրա չի լինի երկրի նախկին ղեկավար Մուամար Քադաֆիի դիմանկարը, գրում է The Lybia Herald-ը։
Քադաֆիի դիմապատկերը եղել է նախկին 1, 5 և 50-անոց լիբիական դինարների վրա։ 1 և 5-անոց դինարների վրայից հանվել է նախկին բռնակալի նկարը, սակայն 50-անոցի վրա այն կմնա։ Այսպիսի որոշում է ընդունել ստվերային տնտեսությունը վերահսկելու համար։
Հիմնվել են 10 և 20-անոց դինարների նոր տարբերակներ, որոնց վրա կպահպանվի Լիբիայի ազգային հերոս Օմար ալ-Մուխթարի դիմանկարը։
Նոր թղթադրամները աստիճանաբար կփոխարինեն հներին։ ԿԲ-ն ենթադրում է, որ դա մեկ տարուց քիչ չի տևի։
Նախատեսվում է պղնձադրամների նաև նոր տարբերակներ թողարկել, սակայն դեռ հայտնի չէ՝ ինչ տեսք կունենան։
Ավելի վաղ հունվարին Լիբիայի ազգային կոնգրեսը օրինագիծ է ընդունել, ըստ որի՝ պետությունը կվերանվանվի՝ չեղյալ կհայտարարվի Քադաֆիի կողմից ներմուծված Մեծ Ջամահիրիա անվանումը։
