Ֆրանսիայի Կալվադոս դեպարտամենտում անհայտ անձինք քրիստոնեական մի քանի տասնյակ գերեզմաններ են պղծել, հայտնում է Express թերթի կայքը:
«ՄԻ քանի տասնյակ խաչեր են քանդվել, մի մասը շրջված թաղվել են հողի մեջ»,- թերթը մեջբերում է Ֆրանսիայի ՆԳՆ ղեկավար Բեռնար Կազնյովի խոսքերը:
Ներկայումս դեպքի վայրում աշխատում են իրավապահները:
Կալվադոսում դեպքը տեղի է ունեցել մի քանի օր անց այն բանից հետո, երբ նման բան էր եղել Էլզասում, որտեղ պղծվել էր հրեական գերեզմանոց՝ մոտ 250 գերեզմանով:
Ֆրանսիական ոստիկանությունը փետրվարի 16-ին ձերբակալել էր հանցագործության մեծ կասկածվող 5 անձի, որոնք բոլորն էլ 15-17 տարեկան պատանիներ են:
