Լիբանանյան «Հըզբոլլահ» շարժումը դատապարտել է Իսրայելի օդային հարվածը Սիրիայի տարածքի վրա: Ինչպես նշում է Associated Press-ը, «Հըզբոլլահն» այն անվանել է «բարբարոսական ագրեսիայի» գործողություն:
Շարժումը նշել է, որ հարվածը հասցվել է Դամասկոսի մերձակայքում գտնվող հետազոտական կենտրոնին: Ըստ պտտվող լուրերի՝ այն ուղղված է եղել «Հըզբոլլահի» համար Սիրիայից Լիբանան զենք տեղափոխող շարասյունի վրա:
Իսրայելի հասցրած հարվածի կապակցությամբ խոր անհանգստություն է հայտնել նաև Ռուսաստանը: Ավելի վաղ The New York Times-ը հաղորդում էր, որ նախքան Սիրիային հարվածելը, Իսրայելն այդ մասին տեղյակ է պահել ԱՄՆ-ին:
