Թուրքիայի վարչապետ Ռեջեփ Թայիփ Էրդողանը հայտարարել է, որ Հունական Կիպրոսի վարչակազմի անխոհեմ երազանքները Միջերկրականում լարել են Թուրքիայի ուշադրությունը: Այս մասին հայտնում է «Անադոլու» գործակալությունը:
Լիբանանի վարչապետ Նաջիբ Միքաթիի հետ համատեղ մամլո ասուլիսի ժամանակ, որին նախորդել է Անկարայում դեմ առ դեմ հանդիպումը, Էրդողանը նշել է, որ լիբանանյան փխրուն իրավիճակը Միջերկրականում համարժեք է Թուրքիայի և Լիբանանի փխրուն իրավիճակին՝ միասին վերցրած:
Խոսելով երկկողմ հարաբերությունների մասին՝ Էրդողանը նշել է, որ իրենց իշխանության գալուց հետո երկկողմ հարաբերությունների մակարդակը հնգակի բարձրացել է: Նրա խոսքով՝ 2012-ին կողմերը շարունակել են համագործակցել՝ չնայած տարածաշրջանային քաղաքական և սոցիալական ցնցումներին:
Էրդողանը նշել է, որ Թուրքիան պատրաստ է բոլոր ջանքերը ներդնել լիբանանցի ժողովրդի անվտանգության ապահովման համար: Նրա խոսքով՝ իրենց տարածաշրջանը փխրուն ժամանակներ է ապրում:
