ԱՄՆ Ֆլորիդա նահանգում իրականացվել է նոր TDRS-K սերնդի հաղորդակցական արբանյակով Atlas-5 կրիչ-հրթիռի արձակումը. Հրթիռը կօգտագործվի NASA-ի տվյալների փոխանցման և դրանց հետևելու համակարգում, հաղորդում է ITAR-TASS-ը:
Տիեզերական սարքի գործարկումը վստահվել է United Launch Alliance ընկերությանը, որը ամերիկյան Boeing և Lockheed Martin կորպորացիաների կողմիս ստեղծված համատեղ ձեռնարկություն է: Արբանյակը տեղադրված է կրիչի վերին մասի հատուկ պարկուճում:
Արձակումից մոտ կես ժամ հետո TDRS-K-ն կհանվի գեոստացիոնար անցումային ուղեծիր, որտեղից 10 օր անց կտեղակայվի մոտ 36,000 կմ բարձրությամբ շրջանաձև ուղեծրի վրա: Այնուհետև մասնագետները կփորձարկեն սարքը. եթե փորձարկումը հաջող անցնի, NASA-ն այն կգործարկի:
Հսկողության և տվյալների փոխանցման NASA-ի գլոբալ արբանյակային համակարգի մշակումն ավարտվել է 1973-ին, իսկ կապի առաջին արբանյակը՝ TDRS-A-ը, տիեզերք է արձակվել դրանից 10 տարի անց:
Չորեքշաբթի արձակված արբանյակն առաջինն է 3 հաղորդակցական նոր սերնդի արբանյակներից, որոնց միջոցով NASA-ն մտադիր է աստիճանաբար նորացնել կապի հնացող ցանցը: TDRS-K-ի գործարկման ժամկետը հաշվարկված է ամենաքիչը 15 տարի: Երկրորդ սարքը նախատեսվում է արձակել մեկ տարի անց: