Այսօր հայտնի կդառնան «Բեռլինալե» միջազգային կինոփառատոնի դափնեկիրները: Ժյուրին՝ ամերիկացի ռեժիսոր Դարեն Արոնովսկու ղեկավարությամբ, կշնորհի փառատոնի գլխավոր մրցանակը՝ «Ոսկե արջը», լավագույն ֆիլմի համար: Այս մասին հայտնում է RIA Novosti-ն:
Այս տարի փառատոնի մրցութային ծրագրում ընդգրկվել է 23 ֆիլմ, մրցանակի է հավակնում դրանցից 19-ը: Մասնավորապես, դրանում ներառվել են ռեժիսոր Մալգոժատա Շումովսկայի «Մարմին», գերմանացի ռեժիսոր Անդրեաս Դրեզենի «Երբ մենք երազում էինք», ամերիկացի կինոռեժիսոր Վերներ Հերցոգի «Անապատի թագուհին», Բենուա Ժակոյի «Աղախնի օրագիրը», Հիրոյուկի Տանակիի «Չասուկե ճանապարհորդությունը» և այլ ֆիլմեր:
Մրցանակաբաշխությունը կսկսվի Երևանի ժամանակով ժ. 22.00-ին, այն ավանդաբար կվարի մոդերատոր Անկե Էնգելկեն:
Սպասվում է, որ արարողությանը ներկա կլինի մոտ 1600 հյուր:
