ԱՄՆ շերիֆների ազգային ասոցիացիայի ղեկավար Լարի Էմերսոնը կարծում է, որ իր գործընկերների մեծ մասը «բացահայտորեն սաբոտաժի չի ենթարկի» նախագահ Օբամայի՝ հրազենային զինատեսակների վաճառքը սահմանափակելու նախաձեռնությունը: Այս մասին գրում է USA Today-ը:
Զենքի վերահսկողության հարցը հատկապես սրվեց վերջերս Կոնեկտիկուտ նահանգում տեղի ունեցած ողբերգությունից հետո, երբ 20-ամյա Ադամ Լանզան դպրոցում գնդակահարեց 20 երեխայի և 6 մեծահասակի:
Օբաման Կոնգրեսին կոչ արեց մշակել օրինագիծ, որը ավելի կոշտ կանոններ կսահմանի զենքի գնման ու վաճառքի համար, և այդպիսով հասարակությունում բռնության մակարդակը կնվազի: Օբաման նաև այդ նպատակի իրականացմանն ուղղված 23 միջոցառումների վերաբերյալ հրամանագիր էր ստորագրել:
Ըստ թերթի՝ շերիֆներից ոմանք իբր թե պնդել են, որ չեն ենթարկվի նման օրենքին, եթե այն ընդունվի: Ընդ որում՝ երկրում շերիֆների ընդհանուր թիվը 3100 է:
Նշվում է նաև, որ Յուտա նահանգում 29 շերիֆներից 28-ը համաձայն Օբամայի նախաձեռնությանը և նույնիսկ Օբամային նամակ են հղել, այնուհանդերձ« Յուտայի նահանգապետ Գերի Հեբերթը ասել է, որ նահանգը կենթարկվի զենքի մասին դաշնային օրենքին: