ԱՄՆ պետքարտուղար Հիլարի Քլինթոնը պաշտոնը լքելուց հետո պատրաստվում է գրել հուշերին նվիրված երկրորդ գիրքը:
Քլինթոնի խոսքերով՝ առաջիկայում նա պատրաստվում է լրացնել 20 տարվա թերի քունը, իսկ հետո զբաղվել հուշագրությամբ:
«Ես դեռ չգիտեմ, թե ինչի մասին եմ գրելու»,- ասել է նա:
Քլինթոնի առաջին գիրքը հրատարակվել է 2003 թվականին:
Պետքարտուղարը ասել է, որ լքում է պաշտոնը՝ տանելով միայն դրական էմոցիաներ: Ինչպես նախատեսվում է՝ նոր պետքարտուղարի անունը կհրապարակվի մինչև փետրվարի 2-ը: Հավանաբար այդ պաշտոնում կնշանակվի Ջոն Քերին:
ԱՄՆ պետքարտուղար Հիլարի Քլինթոնը հայտարարել է, որ ներկայում չի պատրաստվում որոշում կայացնել 2016 թվականի նախագահական ընտրություններին մասնակցելու վերաբերյալ: Բացի այդ, նա հավելել է՝ կողմ է, որպեսզի ամբողջ աշխարհում կանայք պայքարեն պետական բարձրագույն պաշտոնների համար:
