ԱՄՆ Ֆրեսնո համալսարանի Հայոց ցեղասպանության 100-րդ տարելիցին ընդառաջ թեմայի՝ կինոյում արծարծման վերաբերյալ երեք ազատ դասախոսություն կանցկացվի:
Հայագիտության պրոֆեսոր Միրնա Դուժճյանը կմեկնարկի դասախոսությունները՝ ներկայացնելով Հայոց ցեղասպանության 100-ամյակին նվիրված շարքը:
Առաջին դասախոսությունը կսկսվի փետրվարի 11-ին ժամը 19:30 Կալիֆորնիայի պետական համալսարանի 191 լսարանում: Նրա ընթացքում ընթացքում կքննարկվի “Շների պատմություն” ֆիլմում Հայոց ցեղասպանության այլաբանությունը: Երկրորդ դասախոսությունը տեղի կունենա մարտի 19-ին, իսկ երրորդը՝ ապրիլի 8-ին, հայտնում է armeniangenocide100.org-ը՝ հղում անելով Fresno Bee պարբերականին:
Դասախոսությունների շարքը մեկն է քաղաքում Հայոց ցեղասպանության 100-ամյակի նախաշեմին կազմակերպված բազմաթիվ միջոցառումներից: Այսպես, Հայոց ցեղասպանության 100-ամյակին ընդառաջ Այսպես, հունվարի 26-ից Ֆրեզնոյի արվեստի թանգարանի 4 պատկերասրահում գործում է «1915-2015. Ավանդույթ, ժառանգություն, մշակույթ» խորագրով ցուցահանդեսը, որի ընթացքում հայ արվեստգետների աշխատանքներ կցուցադրվեն: Ցուցահանդեսին կներկայացվեն անցած դարի հայ նկարիշներ Ջոն Ալթունի, Վարուժան Պողոսյանի, Արշիլ Գորկու, Արա Դոլարյանի, Էդ Մարուկի, Վիլյամ Սարոյանի և այլոց աշխատանքները: Կազմակերպիչը Ֆրեզնոյի Հայոց ցեղասպանության հարյուրամյակի կոմիտեն է, որի նպատակն է բարձրացնել 1915-ի Հայոց ցեղասպանության մասին հանրության իրազեկվածությունը և վերապրածների պատմությունների միջոցով օգնել մարդկանց հաղթահարել թշվառությունը:
