Առողջապահության նախարարի նախկին տեղակալ, «Արաբկիր» բժշկական կենտրոնի գիտական ղեկավար Արա Բաբլոյանի որդին՝ Արման Բաբլոյանը, Բարձրաստիճան պաշտոնատար անձանց էթիկայի հանձնաժողով իր ունեցվածքի մասին հայտարարագիր է ներկայացրել:
Արման Բաբլոյանը պաշտոնը դադարեցնելու օրվա դրությամբ ունեցել է 65 մլն դրամ և 41 հազար դոլար: Նախկին պաշտոնյան թեև արժեթղթեր չունի, սակայն վերադարձված փոխառություններից 18 մլն դրամ է ստացել: Նրա ֆինանսական եկամուտները, ըստ հայտարարագրի, հիմնականում գոյացել են աշխատավարձից և տրված փոխառությունների (վարկերի) դիմաց ստացված տոկոսից՝ համապատասխանաբար մոտ 3 մլն 768 հազար և 1 մլն 736 հազար դրամ: Ընդհանուր առմամբ մեկ տարվա ընթացքում Բաբլոյանը վաստակել է մոտ 5 մլն 500 հազար դրամ:
Անշարժ և շարժական գույք ևս հայտարարագրված է. առողջապահության նախարարի նախկին տեղակալն ունի բնակարան, ավտոտնակ և հողամաս, ինչպես նաև Mercedes-benz e 350 մակնիշի ավտոմեքենա:
