2015-ին Հայոց ցեղասպանության 100-ամյակի նախօրեին Թուրքիայի կողմից ցեղասպանության փաստի ընդունումը սպասելն իրատեսական չէ: Այդ մասին «Արմենպրես»-ի հետ հարցազրույցում, անդրադառնալով 2015-ին Թուրքիայի կողմից սպասվող քայլերին, հայտարարել է Ստամբուլում լույս տեսնող հայկական «Ակոս» թերթի նորը գլխավոր խմբագիր Էդվարդ Դանզիկյանը:
«Սրա հետ մեկտեղ դժվար է նաև ենթադրել, թե կառավարությունը ինչ կանի, քանի որ նախընտրական տարում ենք, բացի այդ այս հարցում կա «Արդարություն և զարգացում» կուսակցության (խմբ.- Թուրքիայի իշխող կուսակցությունը) բավական էլաստիկ, անհավասարակշիռ, անհետևողական քաղաքականությունը», – ասաց նա:
Որպես օրինակ Դանզիկյանը նշեց, որ 2014 թվականի ապրիլի 24-ին Էրդողանի արված ուղերձից հետո ոչ ոք չէր սպասում, որ 2015-ին Չանաքալեի հիշատակի արարողությունը կկազմակերպվի ապրիլի 24-ին և հատկապես, որ դրան կհրավիրվի Հայաստանի նախագահ Սերժ Սարգսյանը:
«Այս հրավերը Թուրքիայում խնդրին արդար տեսանկյունից նայող շրջանակների կողմից մեծ հակազդեցությամբ ընդունվեց: Այսինքն, եթե կառավարությունը նախկինի համեմատ մի դրական քայլ է անում, կա սովորություն, որ դրանից հետո անպայման մի բացասական քայլ էլ պիտի արվի: Սակայն ես ենթադրում եմ, որ ապրիլի 24-ին ընդառաջ, թեկուզև փոքր, մի քայլ կարվի, սակայն չեմ կարող ասել, թե ինչպիսին», – ընդգծել էԴանզիկյանը:
Մանրամասները՝ «Արմենպրես»-ում
