Բոլորս փայլուն հասկանում ենք, որ սոցիալական հարցումները ներկացնում են այնպիսի արդյունքներ, որոնց ներկայացման ձևից արդեն պարզ է, որ դա ընդամենը քաղաքական խճանկար ստեղծելու մի ձև է։ «Առաջին լրատվական»-ի հետ զրույցում նման տեսակետ հայտնեց ՌԱՀՀԿ տնօրեն Մանվել Սարգսյանը, ապա հավելեց. «Սա առաջին անգամը չէ, հասարակություննարդեն սովոր է, և նման հարցումների հիման վրա եզրակացություն անելը ճիշտ չի լինի: Նայում ես՝ Հայաստանն օրեցօր աղքատությանմեջ կորչում է, արտագաղթի թիվն ավելանում է, բայց անընդհատ գործող ուժի թեկնածուի ձայները բարձրանում են (խմբ. Gallup-ի տվյալների համաձայն՝Սերժ Սարգսյանի օգտին կքվեարկեր հարցվածների 66 տոկոսը). դա ինչպե՞ս է լինում»:
Փորձագետ Մանվել Սարգսյանի դիտարկմամբ՝ ընտրությունների ընթացքին հետևելու համար Հայաստան ժամանած ԵԱՀԿ/ԺՀՄԻԳ դիտորդների հեռանալու խնդիրն այնքան էլ «նեղ հարց» չէ. «Եթե օրինակ Հայաստանումալիք ստեղծվի, որը պահանջի, որ նրանք հեռանան դա ուրիշ հարց է արդեն: Դրանով իսկ պետք է ընդունեն, որ երկրում ստեղծված չեն նորմալ պայմաններ ընտրությունների համար, և նրանք ստիպված են դրանք չլեգիտիմացնելու համար հեռանալ: Պետք է հիմք ունենան հեռանալու,հենց այնպես չեն կարող թողնել-հեռանալ: Ասենք, կարող են հայտարարել՝ այս երկրում ստեղծված չեն նորմալ պայմաններ ընտրությունների անցկացման համար, և հեռանալ, իսկդա ինքնին կասկածի տակ կդնի ընտրությունների օրինականությունը: Սա էական խնդիր է, այդ պատճառով էլ այս հարցը բարձրացրած թեկնածուի հանդեպմարդիկուշադրությունեն ցուցաբերում»:
Հիշենք, որՍերժ Սարգսյանի թեկնածությունն անվավեր ճանաչելու, դիտորդներին Հայաստանից դուրս հրավիրելու պահանջով հացադուլ հայտարարած Անդրիաս Ղուկասյանին միացել էր նախկին քաղբանտարկյալ Շանթ Հարությունյանը, իսկ այսօր՝«Ղարաբաղ» կոմիտեի նախկին անդամ Աշոտ Մանուչարյանը ևս դրական արտահայտվեց նախագահի թեկնածուի պահանջի վերաբերյալ՝ նշելով, որ ԵԱՀԿ/ ԺՀՄԻԳ դիտորդներին պետք էՀայաստանից դուրս հրավիրել:
Լուսանկարը՝ PanARMENIAN Photo-ի
