Ֆրանսիայի արտաքին գործերի նախարար Լորան Ֆաբիուսը Մյունխենի համաժողովի ժամանակ հայտարարել է, որ Դոնբասի հակամարտությունը կարող է լուծվել Ուկրաինայի արևելքին հատուկ կարգավիճակ հատկացնելով: Այս մասին գրում է TASS-ը:
«Ռուսաստանի հայտարարած նպատակը Ուկրաինայի արևելքի բնակիչների անվտանգությունն է: Ռուսաստանը ձգտում է նրան, որ Ուկրաինայի արևելքի բնակչությունն ապրի այնպիսի պայմաններում, որը կարտացոլի նրանց յուրահատուկ ինքնությունը»,- հայտարարել է Ֆաբիուսը`նշելով, որ դրա հետ կապված՝ Ուկրաինային կենտրոնախույս իշխանություն է անհրաժեշտ:
Նախարարը նշել է, որ Դոնբասին հատուկ կարգավիճակ հատկացնելու հարցը քննարկվում է Կիևի հետ, և այնտեղ համաձայն են այս առաջարկությանը:
«Ուրբաթ օրը ես Մերկելի և Օլանդի հետ Մոսկվայում էի: Մենք անում ենք ամեն ինչ ճգնաժամի կարգավորման համար: Մենք պետք է միասնական ճակատով հանդես գանք, բանակցություններ վարենք, սակայն չգնանք զիջումների, որոնք կխաթարեն եվրոպական անվտանգությունը: Ոչ ոք չի ցանկանում ռազմական հակամարտություն»,- ընդգծել է նա:
