1945թ. փետրվարի 5-ին Ճամայկայի Նայն-Մայլս գյուղում ծնվեց երգիչ, երաժիշտ, կիթառահար և կոմպոզիտոր Բոբ Մարլին՝ հայտնում է Calend-ը։
Չնայած այն հանգամանքին, որ նրա մահից անցել է ավելի քան 30 տարի, Բոբ Մարլին շարունակում է մնալ առավել հայտնի ռեգգի կատարողը։ Շնորհիվ իր միջազգային հաջողության՝ ռեգգի երաժշտությունը ձեռք է բերել լայն ժողովրդականություն Ճամայկայի սահմաններից դուրս։
Բոբի հայրը սպիտակամորթ եվրոպացի էր, մայրը՝ նեգրուհի: Դեպի ճանաչում տանող նրա ուղին հարթ չէր՝ նա ինքնուրույն էր կերտում երաժշտական կարիերան:
Նրա առաջին ձայնասկավառակը՝ Catch a fire-ն, սահմանեց փոփ-երաժշտության նոր չափանիշներ:
Մարլին արագ դարձավ իսկական աստղ, իսկ նրա երգերը վերածվեցին ռասայական հավասարության համար պայքարողների հիմնի:
Սկսելով զրոյից՝ նա դարձավ լեգենդ և խորհրդանիշ:
Մարլին մահացել է 36 տարեկանում՝ քաղցկեղից, Մայամիի հիվանդանոցում: Նրա մահվան կապակցությամբ Յամայկայում հայտարարվել է ազգային սուգ:
