Սիյաո անունով 6-ամյա աղջիկը սպա-սրահում ապրել է ավելի քան մեկ ամիս։ Այս մասին հայտնում է The Daily Mirror-ը։ Աղջիկը չինական Կունմին քաղաքի հաստատություն էր եկել պապիկի հետ, որը որոշել էր փորձել որոշ պրոցեդուրաներ։
Վաննա ընդունելուց հետո տղամարդը նկատել է, որ մոռացել է դրամապանակը և գնացել գումարի հետևից՝ որպես գրավ թողնելով թոռնուհուն։ Նա խոստացել է վերադառնալ մի քանի ժամից, սակայն այդպես էլ չի հայտնվել։ Նշվում է, որ տղամարդը թոռնուհու հետ Կունմին էր եկել հանգստի։
Սպա կենտրոնի մենեջերը մի քանի օր անց հանձնարարել է աղջկա համար ննջասենյակ պատրաստել։ Նշվում է, որ աղջիկն ընկերացել է աշխաատակիցներից շատերի հետ։
Այն բանից հետո, երբ պատմությունը հայտնվել է տեղի ԶԼՄ-ներում, Կունմինի բնակիչները սոցիալական ծառայություններից պահանջել են միջամտել գործին և գտնել պապիկին։ Աղջիկը շարունակում է բնակվել սպա կենտրոնում, պապիկին գտնել դեռևս չի հաջողվել։
