Գյումրիում 7 հոգանոց ընտանիքի սպանության մեջ մեղադրվող ռուսական 102-րդ ռազմաբազայի զինծառայող Վալերի Պերմյակովը Հայաստան տեղափոխվելը Չիտայում առավել քան մեկ ամիս բուժում է անցել զինվորական հոսպիտալի հոգեբուժական բաժանմունքում, հաղորդում է LifeNews-ը: Բիշկները նրա մոտ հայտնաբերել են լուրջ շեղումներ: Այժմ քննիչները պարզում են, թե ինչպես է հոգեբույժների հսկողության տակ գտնվող զորակոչիկը տեղափոխվել Հայաստանի ռուսական ռազմաբազա:
LifeNews-ին հայտնի է դարձել, որ Պերմյակովը Չիտայի զորամաս է զորակոչվել 2014թ. մայիսի 15-ին և շարունակել է ծառայությունը մինչև դեկտեմբերի 3-ը: Միայն տարվա վերջին որոշում է կայացվել նրան տեղափոխել Գյումրի: Սակայն տեղի աշխատակիցները թաքցրել են այն փաստը, որ Պերմյակովը զորակոչվելուց հետո գրեթե անմիջապես հայտնվել է հոգեբուժական բաժանմունքում և այնտեղ է մնացել մինչև հունիսի վերջ:
Այժմ մի քանի պաշտոնյաների կասկածվում են անփութության մեջ: Քննության տակ են հայտնվել Բալեյ քաղաքի զինկոմիսարիատի բաժնի պետ Ալեքսանդր Լոգինովսկին, ինչպես նաև զորամասի հրամանատար Եվգենի Սոցկովը: Նրանք կասկածվում են այն բանում, որ ծառայության են ընդունել հոգեկան շեղումներով զինակոչիկի՝ փաստաթղթերին կցելով դրական բնութագիր:
Ստացիոնար բուժումից հետո Պերմյակովը վերադարձել է զորամաս, որտեղ ծառայել է որպես վարորդ-մեխանիկ: Ամիսը մեկ անգամ նա շարունակել է հետազոտվել հոգեբուժարանում, սակայն մասնագետները նրան պիտանի են համարել հետագա ծառայության համար: Ուստի, երբ Գյումրիի ռազմաբազայից նրան տեղափոխելու հայց է ներկայացվել, տեղի զորամասի աշխատակիցները չեն նշել, որ Պերմյակովը բուժում է անցել հոգեբուժարանում:
Չնայած «Անփութության» հոդվածով հարուցված քրեական գործին՝վերը նշված անձինք շարունակում են մնալ իրենց պաշտոններում, քանի դեռ դատարանը չի ապացուցել նրանց մեղքը:
