Այլևս կարիք չի լինի կիրակի տեղի ունենալիք «Գրեմմի» մրցանակաբաշխության 57-րդ արարողությունն առցանց դիտելու համար անօրինական հեռարձակման ալիք փնտրել։
CBS-ն ու Ձայնագրման ակադեմիան առաջին անգամ օրինական կերպով կիրականացնեն առցանց հեռարձակում՝ CBS All Access բաժանորդագրական ծառայության միջոցով։ Այս մասին հայտնում է Mashable պորտալը։
CBS-ի բջջային հավելվածով մեկշաբաթյա անվճար ծառայությունն առաջարկվում է ամսական 5.99 դոլարով։
Ծառայությանը հասանելիություն կունենան 14 քաղաքների բնակիչներ՝ Նյու Յորք, Լոս Անջելես, Չիկագո, Ֆիլադելֆիա, Դալլաս, Սան Ֆրանցիսկո, Բոստոն, Դեթրոյթ, Մինեապոլիս, Մայամի, Դենվեր, Սակրամենտո, Փիթսբուրգ և Բալթիմոր։
