Այսօր Բանգլադեշի մայրաքաղաք Դաքայում «Ջամաաթ-ի-Իսլամի» հիմնական իսլամիստական կուսակցության հարյուրավոր կողմնակիցների և ոստիկանության միջև ընդհարում է տեղի ունեցել, որի հետևանքով վիրավորվել է առնվազն 12 մարդ: Այս մասին հայտնում է RIA Novosti-ն՝ հղում կատարելով տեղական Daily Star թերթին:
Դաքայի Մոտիջհիլ շրջանում ոստիկանները փորձել են փակել ցուցարարների ճանապարհը, որոնք պահանջում էին դադարեցնել իրենց կուսակցության մի շարք առաջնորդների դեմ սկսված դատական գործընթացները:
Ի պատասխան՝ իսլամիստները սկսել են ոստիկաններին ծեծել ու նրանց ուղղությամբ նետել դյուրավառ նյութով լի շշեր:
Բախման հետևանքով վնասվել են շուրջ 100 ավտոմեքենա ու 2 ոստիկանական ավտոբուս: Ոստիկանության վրա նետվել է ավելի քան 70 դյուրավառ հեղուկով լի շիշ: Ձերբակալվել է նվազագույնը 12 մարդ:
Ցույցեր են տեղի ունենում նաև Բանգլադեշի այլ քաղաքներում ևս, այդ թվում՝ երկրի խոշորագույն նավահանգիստ Չիտագոնգեում:
Իսլամիստների առաջնորդներին մեղադրում են Պակիստանից 1971թ. անկախանալու ժամանակ ցեղասպանություն գործելու մեջ: Իշխանությունները հայտարարում են, որ զոհերի թիվը կազմում էր շուրջ 3 մլն մարդ:
