Half-Life համակարգչային խաղը հայտնվել է Mac OS X-ում ու Linux-ում: Այս մասին հայտնում է Polygon պորտալը:
Ինչպես նշել են կայքի ներկայացուցիչները` չնայած այս մասին պաշտոնապես չի հաղորդվում, սակայն իրենց հաջողվել է գրադարանում հայտնաբերել Mac-ի համար նախատեսված խաղի տարբերակը, տեղադրել ու գործարկել այն: Polygon-ը չի մանրամասնում, թե որտեղ է իրեն հաջողվել հայտնաբերել Linux-ի տարբերակը:
Half-Life-ի օրիգինալ տարբերակը բոլոր պլատֆորմների համար ներկայում 10 դոլարով վաճառվում է Steam-ում:
Նոր պլատֆորմների շնորհանդեսը տեղի է ունեցել 14 տարի անց այն բանից, երբ Valve-ն ներկայացրեց Half-Life-ի օրիգինալ վարկածը՝ PC պլատֆորմների համար: Երկու տարի անց համակարգչային խաղը արտադրվեց PS2-ի համար: Հատկանշական է, որ Half-Life 2-ի շնորհանդեսը Mac-ում տեղի ունեցավ 2010թ.:
Գորդոն Ֆրիմենի մասին վերջին սերիան ներկայում հանդիսանում է Half-Life 2: Episode Two-ն, որը վաճառքի է հանվել 2007թ.:
Այդ ժամանակից ի վեր, չնայած երկրպագուների պահանջին, Valve-ն ոչինչ չէր հայտարարում սերիայի շարունակության մասին:
Համացանցում, սակայն, պարբերաբար տեղեկություններ են հայտնվում Half-Life 3-ի մասին, սակայն դրանք պաշտոնապես չեն հաստատվել:
Steam ծառայության վարկածը Linux-ի համար ներկայացվել է 2012թ.: Ներկայում այնտեղ հասանելի են այնպիսի խաղեր, ինչպիսիք են Amnesia: The Dark Descent-ը, Serious Sam 3: BFE-ը, Crusader Kings II-ը և այլն:
