Ֆրանսիական երգիծական Charlie Hebdo շաբաթականի բաժանորդների թիվը խմբագրության վրա ահաբեկչական հարձակում կատարելուց հետո 10 հազարից 200 հազար է դարձել, հայտնել է պարբերականի ղեկավարներից մեկը՝ Էրիկ Պորտոն:
«Մեր բաժանորդների թիվն անցել է 200 հազարը»,- ասել է Պորտոն, ում խոսքերն է մեջբերում France Presse-ը: Նա հայտնել է նաև, որ ամսագրի հաշվին հանգանակությունների չափը 2․37 միլիոն եվրո է կազմում: Այդ գումարները կտրամադրվեն զոհերի ընտանիքներին:
Նախօրեին հայտնի է դարձել, որ ահաբեկչական գործողությունից հետո ամսագրի երկրորդ համարը կթողարկվի փետրվարի 25-ին:
Նախկին համարը 7 միլիոն օրինակով է թողարկվել և վաճառքի ռեկորդներ է սահմանել:
