Android 4.4 KitKat տարբերակը Android սարքերի օգտատերերի շրջանում մնացել է հարթակի ամենաժողովրդական մոդիֆիկացիան՝ 5.0 Lollipop-ի թողարկումից ավելի քան 3 ամիս անց: Այս մասին են վկայում Google-ի տվյալները:
Android 4.4 KitKat հարթակը Google-ը թողարկել է ավելի քան 15 ամիս առաջ, սակայն դրանով շարունակում է աշխատել սարքերի 40 տոկոսը, որոնցով օգտատերերը մտնում են Google Play: Առավել ժամանակակից Android 5.0 Lollipop հարթակը, որի վերջնական տարբերակը թողարկվել է 2014-ի հոկտեմբերի կեսերին, տեղադրվել է սարքավորումների 1.6 տոկոսի վրա:
Իսկ ահա iOS 8 օպերացիոն համակարգի նոր տարբերակը, որը թողարկվել է 2014-ի սեպտեմբերին, թարմացվել է արդեն Apple-ի 69 տոկոս սարքերում:
