Բրազիլիայի Սանտա Մարիա քաղաքի Kiss գիշերային ակումբում առաջացած հրդեհից զոհվել 232 մարդ։ Այսպիսի տվյալներ է հաղորդել տեղի ոստիկանությունը։ Մինչ այդ հաղորդվել էր, որ զոհերի թիվը 245 է։
Մոտ 50 տուժողի տարել են Սանտա Մարիայի բժշկական հաստատություններ, շատերի վիճակը ծայրահեղ ծանր է։ Ոստիկանության տվյալներով՝ հայտնաբերված բոլոր դիերը տարվել են քաղաքի մարզական կենտրոն, որտեղ մարդիկ փորձում են ճանաչել դիակները։
Հրդեհը բռնկվել է տեղական ժամանակով առավոտյան ժամը 3-ի մոտակայքում, երբ ակումբում հավաքվել էին Սանտա Մարիայի դաշնային համալսարանի ուսանողները։
Փրկվածների վկայությամբ՝ հրդեհը բռնկվել է բեմում կատարված հրավառության շոուից հետո։ Սկսվել է հրկիզվել առաստաղը, որից հետո առաջացել է խուճապ, հրմշտոց, տրորումներ։ Համաձայն տարբեր աղբյուրների՝ այդ ժամանակ գիշերային ակումբի մարդկանց թիվը կարող էր լինել 500-2.000 մարդ։
