Հաջորդ 5 տարում Չեխիան կղեկավարի Միլոշ Զեմանը: Այսօր կայացած ընտրությունների 2-րդ փուլի արդյունքում նա ստացել է ձայների 55.47 տոկոսը: Նրա հակառակորդ Կարել Շվարցենբերգը հավաքել է ձայների 44.53 տոկոսը: Այս մասին հաղորդում է չեխական վիճակագրական ընկերությունը:
Միլոշ Զեմանը ծնվել է 1944թ. սեպտեմբերի 28-ին, Կոլին քաղաքում:
1968թ. Զեմանն անցել է Չեխիայի կոմունիստական կուսակցության շարքերը, ապա ընդունվել Պրահայի բարձրագույն տնտեսագիտական դպրոց:
1992թ.չեխական խորհրդարանում նա ներայացրել է Չեխիայի սոցիալ-դեմոկրատական կուսակցությունը:
Շուտով նա դառնում է նախ կազմակերպության Պրահայի մասնաճյուղի, ապա կուսակցության ղեկավար:
1996թ. Զեմանն արդեն խորհրդարանի ներքին պալատի խոսնակն էր:
2007թ. նա հիմնում է սեփական՝ Քաղաքացիների իրավունքների կուսակցությունը:
Միլոշ Զեմանն ամուսնացած է, ունի 2 երեխա: