Ավստրիայի երկաթուղիներն ավարտել են Վիեննա-Սանկտ Պյոլտեն գծի նորացումը, որը Վիեննա-Զալցբուրգ-Ինսբրուկ-Բրեգենց գլխավոր ազգային մայրուղու մաս է: Նոր տեղամասում առավելագույն արագությունը հասցված է 230 կմ/ժամի: Սա հնարավորություն է տվել զգալիորեն կրճատել մայրաքաղաքից Զալցբուրգ, Ինսբրուկ և Մյունխեն ընթացող գնացքների ճանապարհի տևողությունը, հայտնում է Travel.ru-ն:
Railjet ազգային OBB օպերատորի գնացքները հիմա Վիեննայի և Զալցբուրգի միջև եղած հեռավորությունը հաղթահարում են 23 րոպե ավելի արագ՝ տեղավորվելով 2 ժամ 22 րոպեում: Այլընտրանքային փոխադրող Westbahn-ի գնացքների աշխատանքն արագացել է 26 րոպեով, դրանք Զալցբուրգ են հասնում 2 ժամ 32 րոպեում: Railjet գնացքների ճանապարհի տևողությունը մինչև Մյունխեն 3 ժամ 54 րոպե է, մինչև Ինսբրուկ՝ 4 ժամ 15 րոպե: Ապագայում հնարավոր կդառնա մինչև 250 կմ/ժ արագությունը, ինչը կբերի երթուղիների տևողության հետագա կրճատման:
