Ով կարող էր մտածել, որ փոքրիկ ուղեղով բզեզը գլուխ է հանում աստղագիտությունից՝ զարմանում է ABC-ի թղթակիցը: Ինչպես պարզվել է, աֆրիկյան գոմաղբի բզեզը միակ միջատն է, որը կողմնորոշվում է աստղերով, և ավելին` միակ միջատն է, որը կողմնորոշվում է Հարդագողի ճանապարհով՝ նշվում է գրառման մեջ:
Գոմաղբի բզեզների ունակությունները նկարագրված են Current Biology ամսագրում:
«Թույլ տեսողության պատճառով նրանք չեն կարողանում տարբերել համաստեղությունները, բայց Հարդագողի ճանապարհի ցրված լույսերը օգնում են նրանց չվերադառնալ գոմաղբի աղբյուրին, որտեղ շատ մրցակիցներ կան»,- գրում է թերթը:
«Նրանց համար միևնույն է` ուր «գնալ», միայն թե հեռու լինեն ավարի համար մարտերից»,- մեկնաբանում է Ուիթսի համալսարանից Մարկուս Բյորնը:
Գիտնականները ավելի վաղ էին ապացուցել, որ գոմաղբային բզեզները կողմնորոշվում են Արևի, Լուսնի լույսերի միջոցով: Իսկ ներկայիս ուսումնասիրությունները ցույց են տվել, որ Հարդագողի ճանապարհը այնքան կարևոր դեր է խաղում բզեզների կյանքում, որ նրանք նույնիսկ անտեսում են Երկրի կողմնորոշիչները:
