Թուրքական Doğan լրատվական գործակալությունը հաղորդում է, որ Իրանն ապշեցուցիչ քայլի է դիմել Թուրքիայի նկատմամբ:
Մասնավորապես, ապրիլի 24-ին Թեհրանում ցուցադրվելու է հայ կինոռեժիսոր Տիգրան Խզմալյանի՝ Հայոց ցեղասպանության մասին պատմող «Արմին Վեգներ` Ցեղասպանության լուսանկարիչ» ֆիլմը, որը հատուկ թարգմանվել է պարսկերեն:
Նշվում է, որ թեև վերջին տարիներին Անկարան ու Թեհրանն ապրում են իրենց հարաբերությունների ամենաջերմ ժամանակաշրջանը, այնուամենայնիվ, Թեհրանը գնալու է այդ քայլին:
Հիշեցնենք, որ ապրիլի 1-ին էլ Թուրքիան էր շոկի մեջ գցել Իրանին, երբ Իրանից իր տարածքով դեպի Սիրիա ուղևորվող իրանական բեռնատար օդանավում առգրավված զենքի կապակցությամբ հաշվետվություն էր ներկայացրել ՄԱԿ ԱԽ-ին: