Միջազգային վարկանիշային Standard and Poor’s գործակալությունը ՌԴ-ի վարկանիշը հոռետեսական կանխատեսումներով BBB- -ից նվազեցրել մինչև սպեկուլյատիվ BB+ մակարդակը: Այս մասին է հաղորդում TASS-ը:
Միջազգային խոշորագույն վարկանիշային գործակալության որոշումը կարող է պահպանողական ներդրողների կողմից, ինչպիսիք են արևմտյան թողարկային հիմնադրամները, ռուսական արժեթղթերի վաճառք սադրել:
Սակայն, ռուսական շուկայի համար դա մեծ խնդիր չի առաջացնի, քանի որ վերլուծաբանների կարծիքով՝ որոշումը սպասված էր և անակնկալ չէր:
Վարկանիշային գործակալությունները գնահատում են պետության անշարժ գույքն ու ընկերությունները և միջազգային ներդրողների համար ուղեցույց են հանդիսանում: Ամերիկյան գործակալությունների «մեծ եռյակին»՝ Moody’s, S&P և Fitch-ին է այժմ բաժին հասել ռուսական շուկային վարկանիշային ծառայությունների 90%-ը: S&P-ի որոշումը ֆինասական շուկայի մասնակիցներն ամենածայրահեղն են համարում:
Վարկանիշի իջեցումը ռուսական պարտատոմսերը ներդրողական մակարդակից ( BBB-) սպեկուլյատիվ մակարդակ (BB+) են իջեցնում: Վերջին անգամ BB+ մակարդակին S&P-ի տարբերակով Ռուսաստանը գտնվել է 11 տարի առաջ՝ 2004թ. հունվարին:
Ռուսաստանը համեմատաբար ցածր պետական պարտք ունի (պետպարտքի և ՀՆԱ-ի հարաբերակցությունը 12 տոկոս է): Սակայն, ռուբլու անկումը և բանկային համակարգի թուլացումը վտանգավոր են նույնիսկ ցածր պետական պարտքի դեպքում, բացատրում են մասնագետները: