Դերասանուհի Միլա Կունիսը ցանկություն է հայտնել փորձելու ինչ-որ «նոր և զվարճալի բան» ու հայտարարել է, որ դեմ չի լինի նկարահանվելու էրոտիկ «Մոխրագույնի 50 երանգները» ֆիլմում,- հաղորդում է The Sun թերթը:
Բացի նրանից՝ գլխավոր դերի թեկնածու է Էմմա Ուոթսոնը (Հերմիոնան «Հարրի Փոթեր» ֆիլմից), Էմբեր Հերդը («Անանասե էքսպրես», «Ռոմից օրագիր») և Ֆելիստա Ջոնսը («Ամենավատ կախարդը»): Ջոնսը հայտարարել է, որ ռեժիսորի և սցենարի բացակայության պայմաններում ինքը չի կարող հստակ ասել՝ կհամաձայնվի՞ արդյոք նկարահանվել ֆիլմում,- հաղորդում է The Daily Telegraph-ը:
Կիրա Նայթլիին ևս անվանել են գլխավոր դերակատարուհու թեկնածու, սակայն նա հայտարարել է, որ ոչ մի դեպքում չի համաձայնի դրան:
Տղամարդու գլխավոր դերի հավակնորդ են Ռայան Հոսլինգը, Բրեդլի Քուփերը, Չենինգ Տատումը և ուրիշներ:
Է.Լ. Ջեյմսի «Մոխրագույնի 50 երանգներն» իր մեջ ներառում է էրոտիկ, սադոմազոխիստական տեսարաններ: Այն պատմում է ուսանողուհի Անաստեյշա Սթիլի և միլիարդատեր Քրիստիան Գրրեմի հարաբերությունների մասին: Ամբողջ աշխարհով մեկ գիրքը վաճառվել է 65 մլն օրինակով:
