Ավստրալական Woman’s Day ամսագրի շապիկին Քեմբրիջի դքսուհի Քեթրինին փոխել են՝ դարձնելով գրեթե անճանաչելի՝ գրում է The Daily Mail-ը։ Լուսանկարն արվել է անցած շաբաթ Լոնդոնում, երբ արքայազն Ուիլյամի հղի կինն այցելել է Kensington Leisure Centre։
Բրիտանական թերթը գրում է, որ ելույթի ժամանակ Միդլթոնը, ինչպես միշտ, փայլել է, սակայն ավստրալական ամսագրի նոր շապիկին դքսուհու արտաքինը զգալի փոփոխությունների է ենթարկվել։ Նրա աչքերի գույնն ավելի բաց են դարձրել, փոխել են նաև շրթներկի գույնը։
Քեյթը կծննդաբերի երեք ամիս անց։ Կամավորերի ու երկրպագուների հետ հանդիպման ժամանակ դքսուհին հայտնել է, որ իրենք չգիտեն ապագա երեխայի սեռը։ Զույգն արդեն որդի ունի՝ Ջորջը։
