Իրաքի Ալ-Ֆալուջա քաղաքում ուրբաթօրյա աղոթքից հետո բախումներ են սկսվել ոստիկանների և ցուցարարների միջև,- հաղորդում է «Ալ-Ջազիրա» հեռուստաընկերությունը:
Հեռուստաալիքի տվյալներով՝ բախումների հետևանքով զոհվել է առնվազն հինգ մարդ, վիրավորվել՝ շուրջ 40-ը:
Այսօր Իրաքի մի շարք քաղաքներում բողոքի ակցիաներ են ընթանում երկրի վարչապետ Նուրի Ալ-Մալիքիի քաղաքականության դեմ: Ցուցարարները պահանջում են ազատ արձակել քաղբանտարկյալներին և իրավունք ու ազատություն շնորհել երկրի սուննի բնակչությանը:
Ավելի վաղ Իրաքում տեղի էին ունեցել մի քանի ահաբեկչություններ, որոնք հետևանքով զոհվել էր 17, վիրավորվել՝ 168 մարդ:
