Samsung Electronics հարավկորեական կորպորացիան այսօր հաշվետվություն է ներկայացրել իր պատմության մեջ ռեկորդային եռամսյակային շահույթի մասին: Այս մասին հայտնում է Agence France-Presse-ը:
2012-ի չորրորդ եռամսյակում ընկերության մաքուր շահույթը կազմել է 7.04 տրիլիոն վոն (6.6 մլրդ դոլար): Ընկերության օպերացիոն շահույթը անցած տարվա հոկտեմբեր-դեկտեմբեր ամիսներին նույնպես հասել է ռեկորդային՝ 8.84 տրիլիոն վոնի, ինչը 89.7 տոկոսով ավելի է 2011-ի նույն ժամանակահատվածի համեմատ: Եկամուտը կազմել է 31.32 տրիլիոն վոն:
Չորրորդ եռամսյակի հաջող ֆինանսական ցուցանիշները Samsung-ը բացատրել է իր Galaxy սմարթֆոնի կայուն պահանջարկով:
Ողջ 2012-ին Samsung Electronics-ը ստացել է 23.8 տրիլիոն վոնի մաքուր շահույթ, 201.1 տրիլիոն վոն եկամուտ և 29.05 տրիլիոն վոն օպերացիոն շահույթ:
