Մենք ցանկանում են, որպեսզի Լեռնային Ղարաբաղի շուրջ բանակցությունները վերսկսվեն. կփորձենք ամրապնդել կողմերի միջև վստահությունը: Այս մասին ադրբեջանական APA գործակալությանն ասել է Ադրբեջանում Ֆրանսիայի դեսպան Պասկալ Մոնյեն:
Դեսպանի խոսքով՝ ինչպես մարդկանց, այնպես էլ պետությունների միջև, բոլոր հակամարտություններում, որպես հիմք ընդունվում է մեկ գործոն: «Հաշտություն հնարավոր է միայն այն դեպքում, եթե կողմերը ցանկանում են դա: Հաշվի առնելով Հայաստանի և Ադրբեջանին հետաքրքրող այլ թեմաներ ևս՝ նրանց կարելի է երկխոսության դրդել: Մենք փորձում ենք ամրապնդել փոխըմբռնումը և երկխոսությունը, որպեսզի Հարավային Կովկասում խաղաղություն տիրի»,- ասել է դեսպանը:
Դիվանագետը նշել է, որ այս պահին համանախագահները ցանկանում են հանդիպում ունենալ սկզբում Հայաստանի և Ադրբեջանի արտգործնախարարների, այնուհետև նախագահների հետ:
«ԵԱՀԿ Մինսկի խմբի համանախագահները շարունակում են ակտիվություն դրսևորել բանակցությունների գործընթացում: Կարծում ենք, որ անհրաժեշտ է երկխոսութուն ունենալ բոլոր ոլորտներում՝ Մեծ խաղաղության պայմանագրի հասնելու համար: Ներկա պահին ակնկալվում է, որ անեհետ կորածների հարցերով տեղեկատվության փոխանակումը կիրականցվի Կարմիր խաչի միջազգային կազմակերպության միջնորդությամբ»,- ասել է Մոնյեն:
Դեսպանը նշել է, որ 2014թ. հակասական պահեր են եղել խաղաղության գործընթացում: «ԵԱՀԿ Մինսկի խմբի համանախագահները աշխատել են կողմերի միջև երկխոսության շարունակման շուրջ: ՏԵղի է ունեցել հանդիպում սկզբում Ռուսաստանի նախագահ Վլադիմիր Պուտինի, իսկ հետո ԱՄՆ պետքարտուղար Ջոն Քերիի նախաձեռնությամբ: Ֆրանսիայի նախագահ Ֆրանսուա Օլանդը մայիսին Հայաստան և Ադրբեջան կատարած այցի ընթացքում արել է սեփական առաջարկները, իսկ հոկտեմբերին նրա նախաձեռնությամբ Փարիզում տեղի է ունեցել եռակողմ հանդիպում: Հակասությունը նրանում է, որ այս տարի բռնության և հրադադարի ռեժիմի խախտման դեպքերը դիվանագիտական ջանքերի ֆոնին ավելացել են»,- ասել է նա:
