Friday, 29 03 2024
Հայտնի են ձվի շուկայում միջանկյալ ստուգումների արդյունքները
14:00
Live. «Առաջին լրատվական» տեղեկատվական-վերլուծական կենտրոն
13:45
«Մենք ապրում ենք նախապատերազմական փուլում». Լեհաստանի վարչապետ
ՌԴ-ն պատրաստ է նպաստել հայ-ադրբեջանական հարաբերությունների կարգավորմանը․ Սերգեյ Լավրով
Ուղիղ. ԱԺԲ խորհրդի անդամների ասուլիսը
Իսրայելը շարունակում է նախապատրաստվել Ռաֆահ քաղաքում գործողությանը. Նեթանյահու
13:15
Ուկրաինան հայտնել է էներգետիկ օբյեկտներին ուղղված ռուսական զանգվածային հարվածների մասին
Իսկ եթե Ալիեւը լիբերալ աշխարհի դաշնակից դառնա՞
Ոստիկանության Նոր Նորքի բաժին ներխուժելու դեպքով քրեական վարույթի շրջանակներում խուզարկություններ են անցկացվում շուրջ 4 տասնյակ վայրերում
Առցանց անմաքս առևտրի շեմը նվազում է
Հորը բռնության ենթարկելու, հարևանի կնոջը սպանելու համար մեղադրվողը տեղափոխվել է հոգեկան առողջության կենտրոն
«National Geographic»-ը «գինու» շրջագայություն է իրականացրել Հայաստանում
Կաթնամթերքի արտադրամասի արտադրական գործունեության կասեցումը վերացվել է
«Երևանի ավտոբուս» ՓԲԸ տնօրենն աշխատանքից ազատման դիմում է ներկայացրել
ՍԱՏՄ-ն ներկայացրել է ձվի արտադրության և իրացման շուկայի վերահսկողության միջանկյալ արդյունքները
ՌԴ իշխանությունները հայտնել են Բելգորոդի երկնքում 15 թիրախ ոչնչացնելու մասին
-
12:40
Գործ ունենք դավաճանական շղթայի հետ, որը կառավարում է Ռուսաստանը
12:30
ԱՄՆ կառավարությունը 60 մլն դոլար է հատկացրել փլուզված Բալթիմորի կամրջի վերակառուցման համար
-
12:20
Հայաստանը ազատագրական պայքար է մղում, ոչ թե՝ վեկտոր փոխում
12:15
Բելառուսներին այսօրվանից արգելված է անօդաչու թռչող սարքեր ունենալ
Լուրերի օրվա թողարկում 12։00
Մեքենան գլորվել է ձորը, վարորդը մահացել է
Լավրովի անփառունակ տապալումը
Փորձել են առանց հայտարարագրման բջջային հեռախոսներ ներկրել
11:45
Որքա՞ն տարածք են ռուսները գրավել այս տարի Ուկրաինայում
Հալեպի վրա Իսրայելի հարձակման հետևանքով զոհվել է 36 մարդ. Al Hadath
11:15
Ռուսական խոշոր հարձակումը կլինի մայիսի վերջին
Բեգլարյանը սպառնացել է նորակառույցի սեփականատերերին իր առանձնատուն բացվող տեսարանի համար
«Միրզոյանի հետ վերջին անգամ շփվել եմ Սկոպյեում․ մենք էինք նախաձեռնել այն». Լավրով
Հայաստանի և Ադրբեջանի խորհրդարանների ղեկավարներն առաջիկայում կրկին կհանդիպեն

Սխալ է ու անհեթեթ

Տնտեսական մրցակցության պաշտպանության պետական հանձնաժողովի նախագահ Արտակ Շաբոյանը երեկ պատասխանեց «Առաջին լրատվականի» հարցերին:


– Ձեր ղեկավարած հանձնաժողովը վարույթ է սկսել «Լուսակերտ» թռչնաբուծական ֆաբրիկայի դեմ: «Լուսակերտի» սեփականատերը` ԱԺ ՀՀԿ խմբակցության պատգամավոր Խաչիկ Մանուկյանը, հայտարարել էր, թե հանձնաժողովն իրեն որպես թիրախ է ընտրել, և որ հրապարակված թվերը պարզապես նկարված են:


– Նման բան պնդելը սխալ է ու անհեթեթություն: Մենք բավական երկար ժամանակ ուսումնասիրություններ իրականացրինք, քանի որ մեր նպատակն էր` ոլորտն ուսումնասիրել բազմակողմանիորեն, որպեսզի որոշումը լիներ ամբողջությամբ հիմնավորված: Մենք ուսումնասիրել ենք այս ոլորտի բոլոր տնտեսվարողներին, իրացման ողջ շղթան: Այս ոլորտում աշխատում է 6 թռչնաֆաբրիկա, և մենք ստուգումներ ենք իրականացրել գերիշխող դիրք ունեցող տնտեսվարողների մոտ: Գերիշխողները «Լուսակերտ», «Արաքս» և «ԵԹՖ» թռչնաֆաբրիկաներն են, որոնք մի անձանց խումբ են կազմում: Ընդ որում` «Լուսակերտը» մշտապես է եղել գերիշխող դիրք ունեցողը, ավելին` մշտապես փորձել է ընդլայնվել շուկայում: Մենք նրան մեղադրեցինք ձվի արհեստական դեֆիցիտ ստեղծելու մեջ: Հիշում եք, այն մի քանի օրերը, որ ձու չկար: Եվ ահա մենք ուսումնասիրեցինք բոլոր 6 արտադրողների տվյալները` արտադրություն, իրացման ծավալներ և բացթողումներ: Պարզվեցին այդ խոշոր մնացորդները, որ եղել են այդ օրերին` օրական միջինը 4,5 մլն ձու, 80 տոկոսը բաժին է ընկել «Լուսակերտ» թռչնաֆաբրիկային: Մենք «Լուսակերտին» մեղադրեցինք արհեստական դեֆիցիտ ստեղծելու մեջ: Քանի որ գերիշխող է համարվում նաև «Արաքս» թռչնաֆաբրիկան, մենք զուգահեռ վարույթ ենք սկսել նաև նրա նկատմամբ: Նրանց մոտ ոչ թե ձվի դեֆիցիտի հետ կապված խնդիր էր, այլ ուրիշ խախտումներ են հայտնաբերվել: Նշեմ նաև, որ ուսումնասիրությունների ժամանակ մենք չենք բավարարվել միայն տնտեսվարողների ներկայացրած տվյալներով, այլև` ստուգումներ ենք իրականացրել «Լուսակերտ» թռչնաֆաբրիկայում և վերհանել ենք սկզբնական բոլոր փաստաթղթերը: Ու մեր բոլոր դատողությունները հիմնված են սկզբնական փաստաթղթերի վրա:


– Այսինքն` պնդում եք, որ անձնական որևէ բան չկա՞ Խաչիկ Մանուկյանի դեմ:


– Անհեթեթություն է նման կարծիք հայտնելը, կամ ավելորդ շահարկում: Վստահ եմ, որ մեր հանձնաժողովը ճիշտ որոշում է կայացրել, և ովքեր տարակուսանք ունեն, թող դիմեն, կարող ենք ներկայացնել սկզբնական փաստաթղթերը: Մեր ուսումնասիրությունը շուտով կտեղադրվեն հանձնաժողովի կայքում, որոշումը նույնպես, իսկ սկզբնական փաստաթղթերը, որոնց հիման վրա կայացվել է որոշումը, առկա են մեզանում, պահպանվում են:


– «Լուսակերտ» թռչնաֆաբրիկայի տերը ԱԺ պատգամավոր է, իշխող ՀՀԿ կուսակցության անդամ: Կարելի՞ է ենթադրել, որ նա չարաշահել է իր պաշտոնական դիրքը, կուսակցական պատկանելությունը:


– Մենք չենք մտնում քաղաքական դաշտ: Դա մեր գործը չէ: Մեզ համար նշանակություն չունի, թե ովքեր են սեփականատերերը, հասարակության մեջ ինչ կարգավիճակ ունեն: Հանձնաժողովն օրենսդրությամբ սահմանված իր իրավասությունների շրջանակներում իր գործն է կատարում: Եվ եթե հայտնաբերում ենք չարաշահումներ, ենթարկում ենք պատասխանատվության: Մենք քաղաքականության մեջ չենք մտնում, քաղաքականությամբ չենք զբաղվում:


– ԱԺ մեկ այլ պատգամավորի գործունեությունն էլ է պարբերաբար հայտնվում ձեր հանձնաժողովի ուշադրության կենտրոնում` խոսքը Սամվել Ալեքսանյանի և նրան պատկանող «Ալեքս-Գրիգ» ՍՊԸ մասին է: Հանձնաժողովը տուգանում է Ալեքսանյանի ձեռնարկությանը, նա վճարում է տուգանքը և նույն ձևով իր գործունեությունը շարունակում: Այս շղթան մինչև ե՞րբ է շարունակվելու:


– Այո՛, մենք բազմաթիվ որոշումներ ենք կայացրել, բազմիցս տուգանքներ նշանակել: Բայց տուգանքների վերաբերյալ մեր բոլոր որոշումները բողոքարկվում են դատարաններում. նույնիսկ ամենափոքր տուգանքի որոշումն են վիճարկում: Օրինակ` «ԱրմենՏելի» դեմ ևս իրականացրել էինք վարույթ. շուկայում գերիշխող դիրքի չարաշահման համար որոշում էինք կայացրել պատասխանատվության ենթարկելու մասին, բայց չորրորդ տարին է` այդ գործը քննվում է դատարանում:


– Իսկ ի՞նչ եք պատրաստվում անել այս դեպքում:

– Մեզանից հասանելիքն անում ենք: Որոշ ժամանակ առաջ մեր ոլորտի վերաբերյալ օրենսդրական լուրջ փոփոխություններ իրականացրինք: Դրանք թույլ կտան ուժեղացնել հանձնաժողովի ապացուցողական բազան, որպեսզի հանձնաժողովի որոշումները լինեն ավելի հիմնավորված, փաստարկված: Մենք որքան չարաշահում հայտնաբերենք, միևնույն է, տուգանելու ենք: Իսկ օրենսդրական բարեփոխումների ուղղությամբ շարունակում ենք աշխատել:

Բաժիններ
Ուղիղ
Լրահոս
Որոնում