Գվեն Ստեֆանին հայտնի է ոչ միայն իր երաժշտական տաղանդով: 2003թ. նա ստեղծել է հագուստի L.A.M.B. մակնիշը, որը տարածված է հայտնիների շրջանում: Մեկ շաբաթ առաջ Գվենը People ամսագր վարկածով «Տարվա ոճի տիպար» է ճանաչվել: Վերջերս նա պարբերականին հարցազրույց է տվել, որտեղ պատմել է, թե ինչպես է նրա ոճի զգացողությունը ազդում իր ավագ որդիների՝ 8-ամյա Քինգսթոնի և 6-ամյա Զումի վրա:
«Առաջինը նորաձև հագուստ է սիրում, իսկ երկրորդը ուրախությամբ սպորտային հագուստ է կրում»,- կիսվել է նա:
Քինգսթոնը կասկածների առիթ չի տալիս, իսկ ահա Զումը, ով սպորտային ոճ է նախընտրում, տխրեցնում է իր հայտնի մայրիկին:
Երգչուհին պատմել է նաև, որ վերջին շրջանում նրա կյանքը լի է անակնկալներով՝ հղիությունը կամ The Voice-ում մասնակցությունը:
Գվենը պատմել է, որ ազատ ժամանակ սիրում է ամուսնու հետ զբոսնել այգում. «Մենք սիրում ենք այնպիսի բաներով զբաղվել, որը մտավոր ծանրաբեռնվածություն չի պահանջում: Մենք կարող ենք ուղղակի զբոսնել, և թող օրն իր հունով ընթանա»:
Հիշեցնենք, որ 2014թ. փետրվարի 28-ին Գվենը երրորդ երեխան է ունեցել: Փոքրիկ Ապոլլոյի ծնվելուց հետո նրան հաճախ կարելի է իր աստղային մայրիկի հետ Լոս Անջելեսի փողոցներում զբոսնելիս տեսնել:
«Ես շատ երջանիկ եմ, քանի որ երեք երեխա ունեմ: Նրանք հիասքանչ են»,- կիսվել է Ստեֆանին:
