Կալիֆոռնիա նահանգի Բըրբենք քաղաքում ֆիթնեսի ամերիկացի հայտնի մարզիչ Գրեգ Փլիթը, որը խաղացել է «Տերմինատորի» մասին ֆիլմերից մեկում, զոհվել է գնացքի անիվների տակ՝ փորձելով շրջանցել այն: Այս մասին հայտնում է TMZ պարբերականը:
Դեպքը տեղի է ունեցել շաբաթ օրը: Ոստիկանները վթարի պատճառը դժբախտ պատահարն են համարել:
Միևնույն ժամանակ, հետաքննիչները, ուսումնասիրելով հսկող տեսախցիկների տվյալները և հետախուզելով դեպքի վայրը՝ այլ եզրակացության են եկել:
Պարբերականը, հղում անելով աղբյուրներին ոստիկանությունում, հայտնում է, որ Փլիթը, հավանաբար, մասնակցել է էներգետիկ ըմպելիքի նկարահանումների և փորձել է հնարք ցուցադրել, ինչի համար նա մտադիր է եղել շրջանցել գնացքը:
Տեսանյութերում երևում է, թե նա ինչպես է հսկայական արագությամբ վազում գնացքի առջևով, բայց պարտվում է ու անհետանում անիվների տակ: Դեպքի վայրից հայտնաբերվել է նաև էներգետիկ ըմպելիքների մի քանի դատարկ տարա: Զոհվածի շրջապատում հաստատել են, որ Փլիթը մտադիր էր ապացուցել, որ ըմպելիքի օգնությամբ կարող է Սուպերմենի արագություն զարգացնել:
Ավելի վաղ պատահարի ականատեսները հայտնել են, որ տղամարդը չի արձագանքել մոտեցող կազմի նախազգուշական ազդանշաններին՝ մինչև վերջին վայրկյանը մնալով ռելսերի վրա:
Փլիթը հայտնի է «Տերմինատոր. Եվ կգա փրկիչը» և «Սպանդի ռևանշ» ֆիլմերով: Ֆիթնես սիրողները նրան ճանաչում են որպես բոդիբիլդինգի մեթոդիկաների հեղինակ և սպորտային դիետաների մշակող:
