ԲՀԿ նախագահ Գագիկ Ծառուկյանը պաշտոնական այցերով հաճախ է լինում այս կամ այն երկրում: Երեկվանից նա Բուլղարիայի վարչապետի հրավերով գտնվում է Սոֆիայում: Հատկանշական է, որ ընդամենը մի առանձին կուսակցության առաջնորդ լինելով Գագիկ Ծառուկյանը նախագահների և վարչապետների մակարդակով հանդիպումներ է ունենում հետխորհրդային և արևելաեվրոպական երկրներում։
Գագիկ Ծառուկյանի նկատմամբ օտար երկրների առաջնորդների նման ուշադրությունը բացատրելու համար դիմեցինք ԲՀԿ Կոալիցիոն գործընկեր ԱԺ ՀՀԿ-ական պատգամավոր Ռաֆիկ Պետրոսյանին, որը ասաց, թե ԲՀԿ-ն համգործակցում է Եվրոպական կուսկացությունների հետ, հետեւաբար նման հրավերներ լինում են: «Ես այստեղ ամբիցիաներ չեմ տեսնում: Որպես Հայաստանում երկորդ կուսկացություն և՛ թվաքանկով և՛ որակով, և՛ որպես կոալիցիայի անդամ, համարում եմ նորմալ: Բացի այդ, նա նաև գործարար է, կարող է նաեւ գործարար կապերով հանդիպել»,- ավելացրեց Ռաֆիկ Պետրոսյանը:
