Թուրինի «Յուվենթուս»-ի դարպասապահ Ջանլուիջի Բուֆոնը երկարաձգել է ակումբի հետ իր պայմանագրի ժամկետը: Դարպասապահն այդ առիթով մասնակցել է մամլո ասուլիսի: Նա հայտարարել է, թե չի ափսոսում, որ 2001 թվականին ընտրել է հենց «Յուվենթուս»-ը և ոչ թե «Բարսելոնա»-ն:
«Ֆուտբոլն ինձ բազմաթիվ հետաքրքիր պահեր է պարգևել: Հպարտանում եմ նվաճումներովս և ոչնչի համար չեմ ափսոսում: Ես հաղթանակներ եմ գրանցել… նաև պարտություններ: Ես անգամ չեմ ափսոսում, որ 2001 թվականին «Բարսելոնա»-ի փոխարեն «Յուվենթուս» տեղափոխվեցի: 2001-ին ինձ ընձեռվել էր այդ հնարավորությունը:
Կատալոնական ակումբը սկսեց հաջողություններ գրանցել միայն 2006 թվականից` Մեսսիի և Ռոնալդինյոյի հետ: Դեռևս հայտնի չէ` ինչ կլիներ, եթե ես 2001-ին այդ ակումբ տեղափոխվեի: Այնպես որ` կարող եմ ասել, որ չեմ ափսոսում իմ ընտրության համար»,- նշել է Բուֆոնը:
