Իրանն առաջարկել է հունվարի վերջին կայանալիք՝ «Վեցյակի» հետ բանակցություններն անցկացնել Կահիրեում՝ Եգիպտոսի մայրաքաղաքում: Այս մասին հաղորդում է AFP-ն՝ հղում կատարելով Իրանի ԱԳՆ ղեկավար Ալի Աքբար Սալեհիին:
Իրանի կառավարության նիստից հետո Սալեհին լրագրողներին հայտարարել է, որ եգիպտական իշխանությունները համաձայնել են հանդիպումը անցկացնել Կահիրեում:
Նա նշել է, որ ներկայում հանդիպման վերջնական ամսաթիվը քննարկում են Իրանի Ազգային անվտանգության գերագույն խորհրդի քարտուղար Սաիդ Ջալալին ու Եվրոպական դիվանագիտության ներկայացուցիչ Քեթրին Էշթոնը:
Ավելի վաղ հաղորդվում էր, որ Իրանի ու «Վեցյակի միջև բանակցությունները կարող են տեղի ունենալ հունվարի 28-29-ին` Ստամբուլում:
