Լիբանանի բանակի հրմանատարությունը հայտարարում է, որ հունվարի 22-ի լույս 23-ի գիշերը Իսրայելի ռազմաօդային ուժերի 12 ինքնաթիռ խախտել են Լիբանանի օդային սահմանը,- հաղորդում է Daily Star լիբանանյան թերթը:
«Խախտելով Լիբանանի ինքնիշխանությունը և ՄԱԿ 1701 բանաձևը՝ 12 ռազմական ինքնաթիռներ ներխուժել են Լիբանանի օդային տարածք»,-ասվում է հայտարարության մեջ:
Հայտարարության մեջ նշվում է, որ ինքնաթիռները նկատվել են երկրի տարբեր շրջաններում:
Թերթը հիշեցնում է, որ Իսրայելն ավելի վաղ բազմիցս ներխուժել է Լիբանանի օդային տարածք՝ խախտելով 1701 բանաձևը, որը Թել Ավիվին կոչ է անում հարգել Լիբանանի ինքնիշխանությունը:
