Կինոարվեստի ամերիկյան ակադեմիան այսօր հայտարարել է այն մարդու անունը, ով փետրվարի 24-ին «Օսկար»-ի 85-րդ մրցանակաբաշխությունից հետո նահանգապետի կազմակերպած պարահանդեսի ժամանակ կհյուրասիրի հոլիվուդյան աստղերին: Այդ մարդը ճանաչված խոհարար Վոլֆգանգ Փաքն է, իսկ նրան կօգնի Մեթ Բյենսիվենգան։
Շեֆ-խոհարարը խոստանում է ուրախացնել հյուրերին հատուկ ճաշացանկով, որը բաղկացած կլինի 50 տեսակի զարմանալի ուտեստներից և քաղցրավենիքներից: «Օսկար»-ի ավանդական ուտեստներից (սև ձկնկիթ, ապխտած հավի կտորներով բլիթ և այլն) բացի, կլինի նաև նորույթ՝ բանջարեղենով կարմիր լուցիան՝ աղցանի և դեղձի հետ, ինչպես նաև կանաչ ձիթապտուղներով զարդարված թյուննոս:
Բուսակերներին կյուրասիրեն ճակնդեղ՝ գետնանուշի կծու սոուսով և հազվադեպ տեսակի ոսպի ապուր: Քաղցրավենիքների մեջ կլինեն պաղպաղակի մի քանի տեսակներ՝ թուրինջի կտորներով «Կոնկորդ» և այլն:
