Թուրքական Anadolu գործակալության փոխանցմամբ, Թուրքիայի արտգործնախարության խոսնակ Սելչուք Ունալը քննադատության է ենթարկել արգենտինյան դատարանի կողմից Հայոց ցեղասպանության շուրջ կայացրած վճիռը:
Հիշեցնենք, որ դեռևս 2000 թվականին հայազգի նոտար Գրեգորիո Հայրապետյանը դիմել էր արգենտինյան դատարան` հայտարարելով, որ 1915-1923 թվականներին թուրքերը կոտորել են իր շուրջ 50 ազգականներին:
Նախորդ շաբաթ արգենտինացի դատավոր Նորբերտո Օյարբիդեն հրապարակել էր վերջնական վճիռը, ըստ որի` «թուրքական պետությունը 1915-23 թվականներին ցեղասպանության է ենթարկել հայ ժողովրդին` սպանելով 1.5 միլիոն հայերի»:
Ունալը նշել է. «Մենք չենք ընդունում և քննադատում ենք արգենտինյան դատարանի վճիռը, քանի որ նա «խախտել» է համընդհանուր իրավական սկզբունքները և «ոտնահարել» միջազգային համաձայնագրերը: Դատարանն այդպիսի որոշում է կայացրել Հայկական սփյուռքի «ճնշման» տակ:
Արգենտինյան դատարանի այդ վճիռը «խախտել» է 1948 թվականին ընդունված Ցեղասպանության շուրջ ՄԱԿ-ի կոնվենցիայի դրույթները: Այդպիսի զարգացումները «բացասականորեն» են ազդում հայ-թուրքական հարաբերությունների կարգավորման վրա»:
