Փակվել է Շվեյցարիայի Դավոս քաղաքի օդային տարածքը, որտեղ չորեքշաբթի մեկնարկում է Համաշխարհային տնտեսական ֆորումի նստաշրջանը:
Ինչպես հաղորդում է ITAR-TASS-ը, Դավոսից 46 կմ շառավիղով բոլոր ինքնաթիռների և թռչող այլ սարքերի թռիչքների սահմանափակումն ուժի մեջ է մտել տեղի ժամանակով ժամը 08:00-ից:
Շվեյցարիայի դաշնային դեպարտամենտի նախարության հաղորդագրության մեջ նշվում է, որ երկրի արևելքում տեղակայված լեռնադահուկային հանգստավայրի օդային տարածքը փակ կլինի մինչև հունվարի 27-ը, երբ կավարտվի ֆորումի նստաշրջանը:
Անվտանգության ուժեղացված միջոցառումներ են ձեռնարկվել նաև ցամաքում: Շուրջ 4000 զինվորականներ օգնուում են ոստիկաններին: Հսկողության տակ է գտնվում ոչ միայն քաղաքը, այլ նաև բոլոր ռազմավարական օբյեկտները, մասնավորապես՝ քաղաքին ջուր և էլեկտրականություն մատակարարող ենթակառուցվածքը:
Դավոսում և նրա մերձակայքումջ տեղակայված են փշլարե ցանկապատներ, իսկ մեքենաներով քաղաք ուղևորվող մարդկանց փաստաթղթերը սկսում են ստուգել քաղաքից մի քանի կիլոմետր հեռավորության վրա:
43-դ ֆորումի աշխատանքներին մասնակցելու են 100 երկրների իշխանությունների, բինզնես-էլիտայի և հասարակական կազմակերպությունների ներկայացուցիչներ: Ակնկալվում է, որ Դավոս կժամանեն շուրջ 50 երկրների պետությունների և կառավարությունների ղեկավարներ: Քննարկումներին մասնակցելու են ընկերությունների 900 ղեկավարներ, քաղաքացիական հասարակության ավելի քան 100 ներկայացուցիչներ, միջազգային կազմակերպությունների տասնյակ ղեկավարներ, ԶԼՄ-ների 200 ղեկավարներ, 16 կրոնական առաջնորդներ:
