Միջերկրական և Սև ծովերում ՌԴ ԶՈՒ ռազմածովային վարժանքների ակտիվ փուլը անցկացվում է Զինված ուժերի գլխավոր շտաբի պետի տեղակալ, գեներալ-գնդապետ Ալեքսանդր Պոստնիկովի ղեկավարությամբ: Վարժանքներին մասնակցում են ավելի քան 20 նավ, երեք սուզանավ, որոնցից մեկը՝ ատոմային: Այս մասին հայտնում է TRT-ն՝ հղում անելով գլխավոր շտաբի պետ, գեներալ-գնդապետ Վալերի Գերասիմովին:
Սևծովյան, Բալթիկ և Հյուսիսային նավատորմերի նավերի խմբերի վարժանքները սկսվել էին հունվարի 19-ին:
Գերասիմովի խոսքով՝ վարժանքների գլխավոր նպատակն է հեռավոր ծովային գոտում նավատորմերի ղեկավարման և համագործակցության համակարգերի կատարելագործումը: Գլխավոր շտաբի պետի խոսքով՝ օպերատիվ նախապատրաստության նման մասշտաբային նավատորմային միջոցառում անցկացվում է առաջին անգամ: