Թուրքական «դարի նախագծի»` երկաթգծային թունելի շինարարության ավարտին մնացել է 289 օր: Այս մասին հայտարարել է Թուրքիայի վարչապետ Ռեջեփ Թայիփ Էրդողանը: Նա անձամբ է տեսել, թե ինչպես են ջրի տակ ընթանում շինարարական աշխատանքները:
Ասիական և եվրոպական ափերն իրար կապող թունելի կառուցման աշխատանքները կավարտվեն 2013 թ. հոկտեմբերի 29-ին: Այդ օրն էլ նախատեսված է թունելի պաշտոնական բացման արարողությունը:
Թունելի կառուցման առաջին միտքը ծագել է դեռևս 1860 թ.: 1902-ին այն նույնիսկ նախագծել են: Շինարարական աշխատանքները սկսվել են 2004 թ.: Թունելի կառուցումը կարժենա 3-5 մլրդ դոլար: Այժմ հստակ նշվում է թունելի երկարությունը` 15,5 կմ: «Մարմարա» նախագիծը թուրք շինարարներն իրականացնում են արագացված տեմպերով:
Աշխատանքները 60 մետր խորության վրա կատարվում են շուրջօրյա ռեժիմով: Հիմնական դժվարությունը նորագույն սեյսմիկ համակարգերի ներդրումն է, քանի որ Բոսֆորի շրջանը հաճախակի տուժում է երկրաշարժերից: Հենց երկրաշարժի պատճառով է Ստամբուլի քաղաքապետարանը համարվել 2013 թ.քաղաքի ամենավտանգավոր կառույցը։
«Մարմարա» թունելը պետք է դառնա աշխարհի ամենախորը ստորջրյա թունելը: