Հանրային ծառայությունները կարգավորող հանձնաժողովը «ԱրմենՏել», «Ղ-Տելեկոմ», «Օրանժ Արմենիա» ընկերություններին կպարտավորեցնի մինչև 2014 թ.-ի հունվարի 23-ը զարգացնել և արդիականացնել իրենց հանրային շարժական բջջային կապի ցանցերը` ապահովելով ձայնային և շարժական լայնաշերտ ինտերնետ հասանելիության ծառայությունների մատուցումը հանրային շարժական բջջային կապի ծածկույթ չունեցող
բնակավայրերում: Որոշումը ներառված է ՀԾԿՀ-ի առաջիկա նիստի օրակարգում:
Մասնավորապես, « ԱրմենՏել»-ը պետք է բջջային կապի ծածկույթ ապահովի Գեղարքունիքի Անտառամեջ, Կալավան, Բարեպատ, Ներքին Շորժա, Վերին Շորժա, և Վայոց ձորի Մոզրով համայնքներում, «Ղ-Տելեկոմ»-ը՝ Լոռու մարզի Հալավար և Հայդարլի, Սյունիքի մարզի Թանահատ, Վայոց ձորի Գնիշիկ, Հորս, Տավուշի մարզի Գեղատափ համայնքներում, իսկ «Օրանժ Արմենիա»-ն՝ Լոռու մարզի Կաճաճկուտ, Անտառամուտ, Սյունիքի մարզի Բնունիս, Գեղանուշ, Գոմարան և Դիցամայրի համայնքներում:
Առաջիկա մոտ 2 ամսում՝ մինչև ապրիլի 1-ը, ընկերությունները նաև պետք է ստուգումներ իրականացնեն միջպետական ավտոճանապարհների հանրային շարժական բջջային կապի ծածկույթ չունեցող հատվածները բացահայտելու նպատակով և ծածկույթ չունեցող հատվածները բջջային կապով ապահովելու վերաբերյալ առաջարկություններ ներկայացնեն:
