Ճապոնական Օկազակի քաղաքում ոստիկանությունը հետաքննում է երիտասարդի տարօրինակ մահվան գործը: Տակույա Նագայա անունով 23-ամյա երիտասարդին սպանել էր սեփական հայրը: Դատելով ամեն ինչից՝ զոհին բազմիցս ծեծել և նույնիսկ կծել են, ինչի հետևանքով տղան մահացել էր ստացած վերքերից:
Ինչպես հաղորդում է RocketNews 24-ը՝ ոստիկանները միանգամից ձերբակալել են զոհվածի հորը՝ Կացումի Նագայային՝ նրան մեղադրելով սպանության մեջ: Տղամարդը չի հերքել, որ սպանել է հարազատ որդուն: Նա նշել է, որ արել է դա, որպեսզի վռնդի այն օձին, որը տիրել էր իր որդուն:
Երիտասարդը ծնողներին հյուր է գնացել հունվարի 18-ի առավոտյան: Քննիչները պարզել են, որ օրվա ընթացքում մինչև ուշ երեկո խփել են երիտասարդի գլխին ու կծել: Երբ Տակույան կորցրել է գիտակցությունը, նրան հիվանդանոց են տարել: Սակայն բժիշկներին մնացել է միայն արձանագրել մահը:
Մահացած երիտասարդի ծնողները պնդում են, որ նա իրեն անկանխատեսելի է պահել, հայտարարել է, թե ինքն օձ է: Նա օձի նման գալարվել է, ինչը մորը շատ է վախեցրել, նա օգնության է կանչել ամուսնուն: 56-ամյա հայրը փորձել է իրեն հասանելի մեթոդներով «վռնդել օձին տղայի միջից»:
Այս գորոծվ դատական նիստի օրն առայժմ չի նշանակվել: Ամենայն հավանականությամբ, Կացումի Նագայան, նախքան դատը, հոգեբուժական փորձաքննություն կանցնի:
