Ֆրանսիան ակնկալում է, որ Հոլանդիայի ֆինանսների նախարար Յերոն Դիսելբելմը, որը փոխարինելու է եվրոխմբի ղեկավար Ժան Կլոդ Յունկերին, կշարունակի վերջինիս քաղաքականությունը: Այս մասին Reuters գործակալությանը հաղորդել է Ֆրանսիայի ֆինանսների նախարար Պիրե Մոսկովիչը:
Դիսելբելմի ձևական հաստատումը Եվրոխմբի ղեկավարի պաշտոնին կայանալու է այսօր Բրյուսելում:
Մոսկովիչը նշել է, որ Դիսելբելմը պետք է բացահայտի ապագա Եվրոխմբի իր տեսությունը, խոսի իր ծրագրերի մասին:
Նա նաև հույս է հայտնել, որ Նիդերլանդների ֆինանսների նախարարը կշարունակի Յունկերի քաղաքականությունը, որին հաջողվել է ուշադրություն դարձնել եվրոգոտու համար առաջատար Ֆրանսիայի և Գերմանիայի հայացքներին:
Մոսկովիչին հերքել է ԶԼՄ-երում ավելի վաղ հայտնված տեղեկատվությունն այն մասին, որ Եվրոխումբը կարող է գլխավորել ինքը:
Մեկնաբանելով եվրոգոտում տիրող իրավիճակը և 2013 թ. կանխատեսումները՝ Ֆրանսիայի ֆինանսների նախարարը խոստովանել է, որ արժութային միությունն աճի չափազանց փոքր հեռանկարներ ունի:
«Եվրոգոտին, ընդհանուր առմամբ, կարող է հայտնվել ռեցեսիայում»,- ասել է նա՝ հավելելով, որ իր կանխատեսումների համաձայն՝ 2013 թ. եվրոգոտու տնտեսությունը կաճի 0.8%-ով:
Հիշեցնենք, որ Եվրոխմբի ներկայի ղեկավար՝ Լյուքսեմբուրգի ֆինանսների նախարար Յունկերը բազմիցս հայտարարել էր 2013 թ. սկզբին կազմակերպության ղեկավարի պաշտոնը լքելու ցանկության մասին:
