32 երկրից ավելի քան 200 գրողներ կմասնակցեն Հավանայի գրքի միջազգային ցուցահանդես-տոնավաճառին: Փառատոնը տեղի կունենա փետրվարի 14-24-ը, որից հետո կշրջագայի նահանգներով մինչև մարտի 10-ը,- հայտնում է RIA Novosti-ն:
Այդ օրերին մտադիր են Հավանա այցելել տարածաշրջանի մոտ տասնյակ երկրների մշակույթի նախարարներ, իւնչպես նաև հայտնի գրողներ ու պոետներ:
Այս պահին արդեն պատվիրված է 2500 քմ ցուցադրության տարածք, որտեղ 24 պետությունների 134 պատվիրակությունները մտադիր են ներկայացնել իրենց արտադրանքը:
Գրքի փառատոնի պատվավոր հյուրն այս տարի լինելու է Անգոլան: Մեծ պատվիրակություններ են ժամանելու Մեքսիկայից, Չիլիից, Արգենտինայից, Վենեսուելայից, Իսպանիայից, Էկվադորից, ԱՄՆ-ից, Ռուսաստանից:
Գրքի փառատոնները Կուբայում անցկացվում են 1981-ից ամեն 2 տարին մեկ:
