«Առավոտ» օրաթերթի գլխավոր խմբագիր Արամ Աբրահամյանի դիտարկմամբ` դատավորներին ուղղված կոչով ՄԻՊ Կարեն Անդրեասյանը փորձում է շտկել իր թույլ տված սխալը: Արամ Աբրահամյանը հիշեցնում է, որ 2010թ. մայիսի 18-ին ՀՀ քրեական օրենսգրքում կատարված փոփոխությունների օրինագծի հեղինակը հենց ինքը` Կարեն Անդրեասյանն էր:
Հարցին, թե կունենա՞ արդյոք որևէ ազդեցություն ՄԻՊ-ի այս ուղերձը`լրատվամիջոցների գործունեության համար, «Առավոտ»-ի խմբագիրն ասաց. «Կարծում եմ, որ ամեն դատավոր իր անձնական խնդիրներն ունի այս կամ այն լրատվամիջոցի հետ, հենց օրինակ Մարտի 1-ի վերաբերյալ, և կարող է նրանց դեմ որոշում ընդունել: Ինչպես արդեն բազմիցս ասել եմ, ցանկության դեպքում զրպարտանք ու վիրավորանք կարելի է գտնել ցանկացած հորդվածում և լրատվամիջոցի դեմ որոշում ընդունել»:
